Azərbaycan millisinin futbolçusu Renat Dadaşovun formasını geyindiyi “Motor” klubu Polşa çempionatında növbəti oyuna çıxıb.
Futbolpress.az xəbər verir ki, Lublin təmsilçisi azarkeşləri önündə “Katovitse” ilə qarşılaşıb. 7 qolun vurulduğu oyun qonaqların qələbəsiylə başa çatıb – 5:2.
Renat bu görüşün iştirakçısı olmayıb. O, sona qədər ehtiyatda qalıb.
“Motor” 11 turdan sonra 11 xalla 15-ci sıradadır. “Katovitse” isə eyni xalla 14-cü pillədə qərarlaşıb.