Azərbaycan Premyer Liqasında I tur başa çatıb.
Legioner limitinin tətbiq edilmədiyi mövsümdə komandalar ilk matçlarında daha çox legionerlərə şans tanıyıb. U-21 millisi üçün baza rolunu oynayacağı gözlənilən “Şamaxı” isə daha çox əcnəbidən istifadə edən iki komandasından biri kimi I turun diqqətçəkəni oldu.
Legionerlərin gəlişi çempionatda rəqabəti artıracaq fikirləri var, ancaq birinci turda meydana çıxan yeni əcnəbilərdə xüsusi istedad, bacarıq, keyfiyyət sezilmədi – 1, 2 oyunçudan başqa.
Heyətini demək olar, tamam dəyişən “Neftçi” mövsümə bir xalla başladı. “Kəpəz”ə 3:0 hesabıyla qalib gələn “Sumqayıt”ın legionerləri qismən yaxşı tərəfdən göründü. “Qəbələ”nin gənc əncəbiləri də pis təsir bağışlamadı. Təcrübəsizlik komandanın I turu bir xalla başa vurmasına səbəb oldu.
Konfrans Liqasına vida edən “Zirə” və “Araz-Naxçıvan” isə məhsuldar heç-heçəyə razılaşdı. Mövsümün ilk turunda ən çox legionerin start heyətdə yer aldığı matçlar “Neftçi” – “Şamaxı” və “Zirə” – “Araz-Naxçıvan” duelləri oldu.
Ən az əcnəbiyə müraciət edən isə “Qəbələ” və “Turan Tovuz” idi…
I turda startda oynayan legioner sayları ümumi 77-dir.
Karvan-Yevlax – 8
Qəbələ – 6
İmişli – 8
Turan Tovuz – 6
Neftçi – 8
Şamaxı – 9
Sumqayıt – 7
Kəpəz – 8
Zirə – 8
Araz-Naxçıvan – 9.
I turun “Sabah” – “Qarabağ” oyunu ikincilərin avrokubok matçına görə təxirə salınıb.